Varist framsókn!

Það er alveg klárt mál að framsóknarmadaman í nýju fötunum er við sama heygarðshornið. Kvótanum skal haldið hvað sem það kostar þetta vekur grunsemdir um að sömu spillingarpólitíkinni verði framhaldið. En þessir gaurar eru snjallir að sveipa sig jómfrúarryki þannig að ekki sést í þrælúldnamaddömuna. En ég er þess fullviss að þetta ryk verði sest fyrir næstu kosningar og þá mun blákaldur raunveruleikinn blasa við. 

Dorrit sem forseta!!!!!!

Ég vil fá Dorrit sem forseta hún er glæsileg, hreinskiptin og réttsýn eitthvað annað en eiginmaður hennar, sem er afdankaður fyrrverandi atvinnustjórnmálamaður. Hann er athyglisdsjúkur og gerir sér ekki enn grein fyrir að hann er forseti lýðveldisins en ekki forsætisráðherra. Áfram Dorrit!

Frammsókn ennþá kvótabraskaraflokkur!!!

Samkvæmt því sem Birkir Jónsson sagði í dag á alþingi ætlar framsókn að styðja áfram hið illræmda kvótakerfi. Þannig hafa þeir piltar kastað hempunni þetta er ennþá sami spillti stjórnmálafokkurinn þó búið sé að skifta um framgrill. Ég hvet kjósendur til að íhuga þetta vandlega og láta ekki svona sjónhverfnigar hafa áhrif á sig. Ekki láta fagurgalan hafa áhrif á ykkur þeir eru byrjaðir að sýna sitt rétta andlit.

Davíð situr sem fastast!!

Dabbi neitar að hætta vill klára sína plikt. Finnst skrítið að fólkið sem neitaði að hlusta á viðvaranir hanns skuli reyna að reka hann. Það verður athyglisvert að fylgjast með þessum farsa enn kannski verður enn athyglisverðara að heyra hvað Davíð hefur að segja þegar Jóhönnu tekst að draga hann öfugan út um dyr Seðlabankanns. Margt bendir til að Davíð viti meira en margur annar um aðdraganda að hruni bankanna. Ég geri ráð fyrir að þegar pilti verði ljóst að stjórastóllinn er tapaður muni málgefni hanns aukast og skothríðinn mun dynja víða.

Batakveðjur!

Ég sendi þeim Geir Haarde og Ingbjörgu Sólrúnu hlýjar kveðjur með ósk um skjótan bata.

Frjálslyndir þurfa að taka sig á!!!!!

Það er óþolandi að Frjálslyndiflokkurinn skuli koma út úr skoðanakönnunum trekk í trekk með ca. 3% eins og staðan er í dag. Flokkurinn hlýtur að eiga við mikil vandamál að etja í sambandi við ímynd sína.

Það er ekki við þetta búandi lengur ég legg til að efnt verði til fundar flokksmanna og menn greini þetta ímyndarvandamál. Því ég veit það eitt að málefnin fæla ekki frá hvað er það þá????  Menn verða að taka á þessu núna straks sérstaklega þegar búið er að ákveða kosningar í vor.

Gamalt vín á nýjum belgjum?????

Fólk hefur velt því fyrir sér undanfarið hversu trúverðugur Sigmundur Davíð Gunnlaugsson nýkrýndur  formaður Framsóknarflokksins væri, í ljósi uppruna hans sem innmúraður í Framsóknargenið.  Það læðist að manni sá grunur, að að baki honum standi öflugir aðilar í innsta hring. Þar koma nöfn eins og Alfreðs Þorsteinnssonar og Björns Inga óneitanlega til greina. Menn þóttust sjá merki fótgönguliða þeirra og spuna í aðdraganda kosningana. Þó hef ég meiri áhyggjur af drengnum ef hann ætlar að beita sömu meðulum og karl faðir hanns Gunnlaugur M Sigmundsson. Gunnlaugur var forstjóri Kögunar þangað til í október 2006. Hann var alþingismaður fyrir Vestfjarðarkjördæmi til1995 og forstjóri Þróunarfélags Íslands 1986-1993. Hann var forstjóri Framkvæmdastofnunar ríkisins árið 1985, starfsmaður Alþjóðabankans í Washington DC á árunum 1982 til 1984 og fulltrúi og síðar deildarstjóri í Fjármálálaráðuneytinu frá 1974 til 1982. Að mínu áliti var mjög vafasamt hvernig hann eignaðist Kögun. Gunnlaugur er ekta Framsóknarmaður og fékk þetta fyrirtæki á góðum prís þegar það var einkavætt hér um árið. Var hann þá framkvæmdastjóri Þróunnarfélagsins og Kögunnar sem þá var að mestu í ríkiseigu. Hann hafði m.a. það hlutverk að selja hlutabréf í Kögun og tók þátt í að ákvarða verðið á þeim. Svo eftir að hann ákvað hvað verðið skyldi vera skrapp hann hinum megin við borðið og keypti ásam fjölskyldu sinni. Kannast einhver við þessar aðferðir???

Kögun hafði m.a. fastar tekjur af því að þjónusta herinn í Keflavík hvað varðar ratstjárstöðvar út um land og fleira því tengdu. Gunnlaugur og fjölskylda keyptu hlut í þessu batteríi svo þegar það var einkavætt geta menn rétt ímyndað sér hvort að ríkisstarfsmaður sem er yfir ríkisfyrirtæki hafi ekki einhverjar upplýsingar umfram aðra sem kynnu að hafa áhuga á að kaupa líka.

Með fylgdi feitur samningur við herinn sem fyrirtækið þjónustaði með allgóðum föstum tekjum. En seinna vildi svo til að  herinn var á förum, þá seldi Gunnlaugur enda peningavonin minni . Þar með líkur einkavinavæðing þessa fyrirtækis með góðum gróða góðs og gegns Framsóknarmanns.

Þeir sem vilja kynna sér allt um það hvernig Gunnlaugur og fjölskylda keyptu Kögun á sínum tíma er bent á að lesa greinarflokk Agnesar Bragadóttur blaðamanns á Morgunblaðinu um málið. Hún skrifaði langan greinarbálk um þetta mál sem fólk ætti endilega að kynna sér nánar. Auðvitað er þetta ekki Sigmundi að kenna en sporin hræða og kjósendur skildu hugsa sig um tvisvar áður en þeir detta í Framsóknargryfjuna.

Samfylkingarfólk vaknið!!!

Nú er komið á endapúnt nú verðið þið almennir samfylkingarmenn og konur að komu ykkar toppum í skilning um það, að þessi stjórn er búin að vera. Þið verðið annars þurrkaðir út í næstu kosningum ef þið ætlið að hækjast áfram með íhaldinu.

Mátti búast við þessu.

Já langlundargeð Íslendingsins á sér þá einhver takmörk það er með ólíkindum að þetta pakk sé ekki búið að segja af sér sem kom landinu á vonarvöl. Ég segi burt með ykkur straks öll sömul!!!!!

„Fólk var að bíða eftir þessum degi“

Framtíðarsýn!

Það er alveg á hreinu að sovétskir stjórnarhættir á Íslandi í framtíð mun ekki verða okkur til gæfu. Þess vegna þarf almenningur að vara sig á vinstri lýðskrumurum sem skreyta sig með ýmsum klisjum á útifundum. Það sem við þurfum er heiðarlegt harðduglegt fólk úr atvinnulífinu, sem hefur einhvern möguleika til að grafa okkur úr þessari klemmu sem við erum í. Ansi er ég hræddur um að vinstri skáld eða leikarar, sem að vísu geta talað um hlutina en þegar í alvöruna er komið þarf fólk tengt atvinnulífinu. Það eru ekki orð sem munu koma okkur úr þessu fúafeni heldur athafnir!