Verður morgundagurinn dögun hins nýja Íslands?

Þrátt fyrir slæma veðurspá morgundagsinns er ég með sól í mínu hjarta. Það verða tímamót á morgun sauðsvartur almúginn fær að kjósa um ólög sem troðið var í gegnum þingið en forsetinn kom okkur til bjargar. Þetta gefur okkur almenningi von um, að nýir siðir verði uppteknir og heiðarleiki og siðferði verði aftur ráðandi í okkar þjóðfélagi. Næst getum við kannski kosið um kvótakerfið eða eitthvað það mál sem skiftir okkur Íslendinga miklu máli. Völd stjórnmálastéttarinnar, elítunnar í landinu er kannski eitthvað sem heyrir sögunni til svo lengi má lifa, að vonar gæti. Ég hvet alla góða landa mína að ganga í kjörklefana á morgun og segja nei, nei við ofríki stjórnmálaelítunar, nei við undirlægjuhátt við gömul Evrópsk nýlenduveldi, nei við aumingjaskap. Lengi lifi Ísland.