Framsókn er enn spillingarflokkur!!

Það er alveg ljóst eftir síðustu atburði, að framsókn er enn við sama heygarðshornið. Þeir koma í veg fyrir breytingar á kvótakerfinu og þeir vernda útrásarglæframennina. Þegar þeir þóttust ætla að veita minnihlutastjórninni hlutleysi lá undir, að hitt og þetta mátti ekki gera. Sem sagt spillingarflokkurinn er kominn aftur á kreik og margt kunnulegt þar á bæ. Fólk hefur velt því fyrir sér undanfarið hversu trúverðugur Sigmundur Davíð Gunnlaugsson nýkrýndur  formaður Framsóknarflokksins væri, í ljósi uppruna hans sem innmúraður í Framsóknargenið.  Það læðist að manni sá grunur, að að baki honum standi öflugir aðilar í innsta hring. Þar koma nöfn eins og Alfreðs Þorsteinnssonar og Björns Inga óneitanlega til greina. Menn þóttust sjá merki fótgönguliða þeirra og spuna í aðdraganda kosningana. Þó hef ég meiri áhyggjur af drengnum ef hann ætlar að beita sömu meðulum og karl faðir hanns Gunnlaugur M Sigmundsson. Gunnlaugur var forstjóri Kögunar þangað til í október 2006. Hann var alþingismaður fyrir Vestfjarðarkjördæmi til1995 og forstjóri Þróunarfélags Íslands 1986-1993. Hann var forstjóri Framkvæmdastofnunar ríkisins árið 1985, starfsmaður Alþjóðabankans í Washington DC á árunum 1982 til 1984 og fulltrúi og síðar deildarstjóri í Fjármálálaráðuneytinu frá 1974 til 1982. Að mínu áliti var mjög vafasamt hvernig hann eignaðist Kögun. Gunnlaugur er ekta Framsóknarmaður og fékk þetta fyrirtæki á góðum prís þegar það var einkavætt hér um árið. Var hann þá framkvæmdastjóri Þróunnarfélagsins og Kögunnar sem þá var að mestu í ríkiseigu. Hann hafði m.a. það hlutverk að selja hlutabréf í Kögun og tók þátt í að ákvarða verðið á þeim. Svo eftir að hann ákvað hvað verðið skyldi vera skrapp hann hinum megin við borðið og keypti ásam fjölskyldu sinni. Kannast einhver við þessar aðferðir???

Kögun hafði m.a. fastar tekjur af því að þjónusta herinn í Keflavík hvað varðar ratstjárstöðvar út um land og fleira því tengdu. Gunnlaugur og fjölskylda keyptu hlut í þessu batteríi svo þegar það var einkavætt geta menn rétt ímyndað sér hvort að ríkisstarfsmaður sem er yfir ríkisfyrirtæki hafi ekki einhverjar upplýsingar umfram aðra sem kynnu að hafa áhuga á að kaupa líka.

Með fylgdi feitur samningur við herinn sem fyrirtækið þjónustaði með allgóðum föstum tekjum. En seinna vildi svo til að  herinn var á förum, þá seldi Gunnlaugur enda peningavonin minni . Þar með líkur einkavinavæðing þessa fyrirtækis með góðum gróða góðs og gegns Framsóknarmanns.

Þeir sem vilja kynna sér allt um það hvernig Gunnlaugur og fjölskylda keyptu Kögun á sínum tíma er bent á að lesa greinarflokk Agnesar Bragadóttur blaðamanns á Morgunblaðinu um málið. Hún skrifaði langan greinarbálk um þetta mál sem fólk ætti endilega að kynna sér nánar. Auðvitað er þetta ekki Sigmundi að kenna en sporin hræða og kjósendur skildu hugsa sig um tvisvar áður en þeir detta í Framsóknargryfjuna.

Athugasemdir

[Guðrún Emilía Guðnadóttir, 15.2.2009 kl. 20:25]

Hann breytist nú ekki á nokkrum mánuðum, þeir halda að minni okkar sé slakt, en svo er nú ekki.

Tel að allir flokkarnir þurfi að taka vel til hjá sér þetta eru siðlausir hausar allir upp til hópa.