Helgi Seljan á hrós skilið.

Alltaf gott þegar fréttamenn þora að takast á við valdaelítuna. Sérstaklega þegar RÚV er annars vegar en ég var farinn að hafa alvarlegar áhyggjur af þeim.

 

Lýðskrum í innflytjendamálum.

Ég horfði á mynd frá Indlandi á dögunum þar sem talað var um þrælavinnuafl sem við vesturlandabúar njótum góðs af í lægra vöruverði. Hryllilegt var að sjá aðstæur fólks við vinnu sína standandi í viðbjóðnum langt upp á læri við vinnu sína. Afleiðingar krabbamein, ofnæmi, asmi og annar óþverri. Þarna voru einnig eiturefni notuð á akra, sem búið er að banna eða aldrei hafa verið leyfð á vesturlöndum. Mér brá þegar það var bent á að fyrirtæki frá norðurlöndum taka þátt í þessum hryllingi. Þarna var t.d. danskt fyrirtæki sem framleiddi eiturefni einnig fyrirtæki sem rumfatalagerinn danski verslar við. Svona er tvískynnungurinn í dag, hvernig er komið fram við erlenda starfsfólkið hérna. Gott dæmi er á Kárahnjúkum auðvitað hafa menn vitað af þessu, þeim er bara alveg sama þetta eru útlendingar. Svo kalla menn Frjálslynda rasista einu mennirnar sem þora að mynnast á óþveran. Haldið þið að vandamálin hjá innflytjendum í svíjóð, danmörku og noregi séu vegna þess að þeir séu svo góðir við þá. Nei inflytjendastraumurinn má aldrei vera meiri en svo að við getum tekið vel á móti þessi fólki, en ekki nota það sem ódýrt vinnuafl. Ef við gerum það fáum við sömu vandamál og nágrannar okkar.

Baldur Þórhallsson stjórnamálafræðingur eða hvað?

Það voru furðuleg vinnubrögð hjá RÚV að draga stjórnmálafræðinginn Baldur Þórhallsson sem álitsgjafa um Frjálslyndaflokkinn en hann hafði áður verið með skrítnar skýringar um aðalfund flokksins. Ég verða segja það að vinnubrögðin á þeim bæ haf vakið mig til umhugsunar og sjálfstæði þessarar ríkisstofnunar ohf.

Jónína Bjartmarz lætur gott af sér leiða???????????

Alveg eru þessir framsóknarmenn frábærir , Jónína sagði í kastljósi að menn ættu að láta gott af sér leiða það væri aðalatriðið. En hvað hafa framsóknarmenn látið gott af sér leiða Jónína???  Var það með því að setja á kvótakerfið sem rústað hefur landsbyggðinni, var það með því að hækka lán upp í 90% þannig að fasteignir á höfuðborgarsvæðinu hækkuðu um og yfir 40 %. Var það með stóryðjustefnunni sem haldið hefur verðbólgu og vöxtum í hæstu hæðum. Jónína þegar þú gagnrýnir okkur frjálslynda þegar við lýsum áhyggjum okkar af innflytjenda strauminum og segir að við viljum ekki láta gott af okkur leiða horfðu fyrst í eigin barm. En við getum kannski kippt í spotta og fengið einn og einn ríkisborgararétt ekki satt Jónína!!!!!!!

Kjósum ekki lýðskrumara!

Mjög mikið hefur borið á lýðskrumi í sambandi við innflytjendamálin. Sérstaklega hafa sjálfstæðismenn beitt sér af alefli. Enda hafa þeirra umbjóðendur mestan hag af því, að hafa ávallt reiðubúið láglaunavinnuafl til taks. Hörmulegt er af því að vita, að mikið af þessu fólki hýrist í húsnæði sem varla er hundum bjóðandi. Er því troðið í atvinnuhúsnæði við illan kost, sem er kolólöglegt og síðan látið borga okurleigu. Að þessu beina allir flokkar blinda auganu nema frjálslyndir, sem þora að taka á málum. Ég bið fólk að velta þessu vel fyrir sér án allra öfga og upphrópanna. Þá mun það komast að því að frjálslyndir höfðu rétt fyrir sér í þessum málum. Ég fordæmi málflutning hinna flokkanna í þessum málum einnig málflutning sumra þekktra fjölmiðlamanna, sem hafa valdið mér miklum vonbrigðum.

Er Egill Helgason hlutdrægur????

Það kom mér á óvart í síðasta þætti Egils Helgasonar Silfri Egils, var enginn fulltrúi frá frjálslyndum. Oft hefur mér fundist Egill vera með niðrandi athugasemdir um flokkinn. Ég varpa þeirri spurningu fram, er Egill að láta eigin skoðanir hafa áhrif á efnistök í þættinum. Mér hefur fundist undanfarið, að fréttafólk almennt (millistéttar,vinstri mennta elíta) hefur reynt að þaga frjálslynda í hel. Ég vona að þetta takist ekki hjá þeim og almenningur sjái í gegnum þessa pólitísku innrætingu.

Sjávarútvegsfyrirtæki flúinn af markaði.

Jæja nú er Vinnslustöðin að hverfa af markaði ansi er orðinn þunnur þrettándinn í svokallaðari sameign á kvóta í gegnum verðbréfamarkaðinn. Þessu héldu útgerðarfurstarnir á lofti á árum áður þegar fólk gagnrýndi kvótakerfið. Hvað segja þessir herrar nú, allur kvóti færist sífellt á færri hendur. Hvernig getur fólk sem á tyllidögum vegsamar vinstri stefnu horft upp á þennan skepnuskap. Þetta fólk er ótrúverðugt það segir eitt og gerir annað. Það er þess vegna sem almenningur treystir ekki vinstra liðinnu til góðra verka. Á þessu græðir íhaldið aftur og aftur. Vinstra fólk ef þið eigið erendi sem efiði í kostningum þá verðið þið að þora að tala um og taka á málum. Ekki ráðast á eina flokkinn sem þorir og meinar það sem þeir segja.

Atvinnustefna VG

Ætlar VG að berjast gegn fátækt með stóra stoppinu hvernig á þá fólk að borga af lánum sínum  og hafa ofan í sig ef berjast á gegn atvinnurekstri í landinu. Ég held að vinstri grænir lifi í öðrum heimi en við hin. Mér dettur í hug sagan um Hans og Grétu. Kannski hafa þeir fundið sitt kökuhús.

Ráðist um borð í handfærabát.

Þessi frétt mynnir mig á þau ár þegar ég stundaði útgerð á eigin báti og var við handfæraveiðar. Endalaust hundeltir af gæslunni, fiskistofu og varðhundum kefisins. Þetta var,þegar menn stunduðu handfæri á sóknardögum flestir á eigin bátum. Þetta var þegar útgerð smábáta skuldaði smáaura og menn voru sínir eigin herrar, stoltir herrar hafsins. Hvernig er staðan í dag? Þessi útgerð er stórskuldug og mennirnir sem sækja sjóinn eru flestir leiguliðar sem fá aðeins brot af erfiði sínu í eigin vasa. Þvílíkar dásemdir kvótakerfisins sem skilað hefur minnsta hrygningarstofni þorsks síðan mælingar hófust. Ég segi Íslendingar vaknið takið á þessum óskapnaði, sem er brot á stjórnarskrá , hefur engu skilað til friðunar, hefur leitt til hruns byggðanna um landið, hvetur til samþjöppunar veiðiheimilda, hvetur til botnvörpuveiða með hrikalegum afleiðingum fyrir sjavarbotninn.

Hafa VG umhverfisstefnu í sjávarútvegsmálum?????

Hver er umhverfisstefna vinstri grænna þegar kemur að sjávarútvegsmálum eða nær þeirra umhverfisstefna aðeins að fjöruborði. VG verður að skíra stefnu sína í sjávarútvegsmálum. Þeir geta ekki lengur látið sem þetta stóra mál sé ekki til. Mig grunar að hjá þeim sé þetta einhver tísku-"populismi" þessi mál sem þau tala um eru inn. Er ekki tími komin til að þeir skoða aðfarir kvótagreifana sem skafa hér viðkvæman sjávarbotninn allt að þremur mílum og hafa undanfarið elft sig gífurlega í þeirri viðleitni. Ég segi við þetta fólk, upp úr skruddunum og kíkið í kringum ykkur. Ég krefst þess að þið komið fram með trúverðuga sjávarútvegsstefnu.