Hver er árangur kvótakerfisins?????

Hver er árangur óskapnaðarins eftir 23 ár stöðugt verið að skera niður. ER ekki kominn tími til að breyta kúrsinum og breyta til. Einnig hef ég miklar áhyggjur af kvótagreifunum í Vestamannaeyjum nú er þeir að fá hverja nýsmíðina af annari til að komast upp að þremur mílunum.Sem sagt nú ætla greifarnir að þurka upp það sem eftir er. Þessir svokölluðu bátar eru gríðaröflugir og hafa mikinn togkraft. Frægt er hvernig þessir greifar hafa farið með miðin út af Vík í Mýrdal.

Hverjir hafa stutt kvótakerfið???

Kominn er tími til að gera upp kvótakerfið og upplýsa um þá sem bera ábyrgð á þessum óskapnaði. Þetta krabbamein hefur búið um sig í þjóðfélaginu og hefur aukið mismun þegnana. Okkar besta landsbyggðarstefna væri að leggja þetta kerfi niður í áföngum og ríkið leigi veiðiheimildirnar eftir stærðarflokkum og veiðarfærum. Þeir sem veiða með umhverfisvænum veiðarfærum (kyrrstæðum)myndu fá vissar ívilnanir. Núna verðum við almenningur að taka í taumana og leggja niður þetta braskarakerfi með því að kjósa þá menn sem tilbúnir eru að taka til hendinni. Einnig þurfum við að taka innflytjendamálin föstum tökum og ekki láta áróursseggi eins og Eirík Bergmann kasta rírð á okkar málflutning.

 

Framsókn stefnulaus í inflytjendamálum?

Alltaf eru það frammarnir sem geysast fram á ritvöllin þegar frjálslyndir lýsa yfir áhyggjum sínum í innflytjendamálum. Þar eru hafðar frammi rakalausar fullyrðingar og oft rangfærslur. Maður fær nánast fyrir hjartað þegar maður les sumt af þessu bloggi þeirra, ef þetta er þeirra sannleikur þá er kominn tíma til að senda þá í langa hvíld.

Kaffibandalagið og Börn Ingi.

En geysist Björn Ingi á ritvöllin og segir að kaffibandalagið sé búið. Enn reyna framsóknarmenn að reka fleyg milli frjálslyndra og hinn flokkanna í stjórnarandstöðunni. Stólaást framsóknar er þvílík að um meiriháttar þráhyggju hlýtur að vera um að ræða. Við frjálslyndir munum ekki víkja á okkar braut við munum vekja athygli á innflytjendamálunum þrátt fyrir áróður frammaranna.  Fólk á að vera óhrætt að ræða þessa hluti og ekki láta svokallaða "pólitískt rétthugsuði" ráða ferðinn. Eiríkur Bergmann er gott dæmi um þessa pólitískt rétthugsuði sem vita allt betur en aðrir, hafiði ekki líka heyrt um "fræðasamfélagið" það er eitthvað sem er yfir alla hafið og sennilega óskeikult. Ræðum þessi mál niður í kjölinn án upphrópanna og áróðurs ég veit að meirihluti þjóðarinnar er sammála frjálslyndum.

Jónína Bjarmarz að láta gott af sér leiða.

Alveg eru þessir framsóknarmenn frábærir , Jónína sagði í kastljósi áðan að menn ættu að láta gott af sér leiða það væri aðalatriðið. En hvað hafa framsóknarmenn látið gott af sér leiða Jónína???  Var það með því að setja á kvótakerfið sem rústað hefur landsbyggðinni, var það með því að hækka lán upp í 90% þannig að fasteignir á höfuðborgarsvæðinu hækkuðu um og yfir 40 %. Var það með stóryðjustefnunni sem haldið hefur verðbólgu og vöxtum í hæstu hæðum. Jónína þegar þú gagnrýnir okkur frjálslynda þegar við lýsum áhyggjum okkar af innflytjenda strauminum og segir að við viljum ekki láta gott af okkur leiða horfðu fyrst í eigin barm.

Eflum landsbyggðina.

Kominn er tími til að gera stórátak til að efla landsbyggðina. Það er grátlegt hvernig komið er fyrir vestfjörðum og norðurlandi bæði vestra og eystra. Orsakir eru sjálfsagt margar, skilningsleysi stjórnvalda, arfavitlaust fiskveiðikerfi, sem sem hyglar hinum stóru á kostað hinna minni. Samgöngumálin eru í ólestri einnig þau svik þegar síminn var seldur og ekki staðið við að efla tölvutengingar. Stjórnvöld sem bera ábyrgð á þessu eiga ekki skilið að vera endurkjörin.

Húrra Þorgerður Katrín Gunnarsdóttir.

Er ekki frábær breyting Þorgerðar Katrínar Gunnarsdóttur á útvarpi allra landsmanna. Útvarpsstjóri hækkar um tugi prósenta á fyrstu dögum hins nýja draumafyrirtækis sjáltstæðismanna. Ekki kæmi mér á óvart ef húsverði eða þrifatæknum yrði sagt upp í kjölfarið vegna skipulagsbreytinga(sparnaðar). Þvílík hneysa er fólk ekki búið að fá nóg af þessu sjálftökuliði sem mokar að sér launum sem venjulegt fólk gæti ekki einu sinni dreymt um. Ég ákalla enn og aftur venjulegt sjálfstæðisfólk (ég var einu sinni venjulegur sjálfstæðismaður) eru þið ekki búin að fá nóg af þessu liði. Hafið þið þetta í huga  í vor þegar þið gangið að kjörborðinu það eru til aðrir kostir. 

Uppákoma framsóknar.

Jæja þá er búið að senda þingið heim uppúr stendur uppákoma framsóknar á síðustu dögum þingsins. Sem sagt að setja inn í stjórnarskrá um þjóðareign auðlindanna. Hvílík fásinna að koma með svona stórt mál korter fyrir kosningar ef við gefum okkur að einhver heilindi séu í málinu (sem ég persónulega efa stórlega) svo þegar menn sjá að málið er allt vanreifað er stjórnarandstöðunni kennt um allt saman þvílíkt sjónarspil. Það er framsókn fyrst og lengst sem staðið hafa að kvótaeyðingakerfinu að vísu með dyggri aðstoð sjáltstæðismanna. Ég hvet fólk til að kynna sér þessi mál á hlutlægum grundvelli og refsa stjórnarflokkunum harðlega fyrir þetta dauðakerfi fyrir landsbyggðina.

Frjálslyndir fylkja liði.

Framboðsmál frjálslyndra eru farin að skírast að fyri norðan og ber það hæst að formaður vor fer fram í  N.V. kjördæmi með Kristni H Gunnarsyni tveir þungavigtarmenn sem munu sópa að sér fylgi. Sigurjón færir sig í austurkjördæmið og á örugglega eftir að vinna vel þar ef maður þekkir hann rétt. Það eru frjálslyndir og frjálslyndir einir sem geta orðið sá öxull sem veltir frjálshyggju okinnu af okkur Íslendingum.

Grímulaus frjálshyggja ILLUGA.

Illugi Gunnarson opinberaði frjálshyggjutrú sína með óvenjuberorðum hætti hjá Jóhanni Hauksyni í gærmorgun á Sögu. Þar vildi hann að auðmenn ættu að geta eignast allt sem á hönd festi. Hafið og miðin, landið og auðlindir bæði undir og yfir. Ég hvet hinn almenna sjáltstæðismann til að kynna sér málflutning Illuga í þættinum því mér blöskraði. Ég er ekki viss um að sjálfstæðismenn almennt séu hrifnir að svona málflutningi.